Tuesday, June 10, 2014

FEATURED POETRY: Inday ug Dodong

This poetry is not just entertaining to read but will really make you reflect on each line and agree and how much reality the writer is trying to remind the readers. As a parent myself, I share the same frustrations observing how the youth of today deliberately screw up their values and never running out of justifications for it. As much as I believe, yes rather strongly,  that the root cause of all of this is lousy parenting, still I can say the same things with regard to how the youth of today is behaving. Once again, such an amazing job weaving your words, Ken. 


By: Anonymously Ken

Unsa ka himsog ang gugma sa lalaki kung kini siya usa pa ka estudyante?
Kini siya mag sige ug diskarte aron mahubuan ka Inday sa imong panty!
Ug unsa ka tarung ba ang iyang paghigugma nga dili man gali siya kahan-ay sa iyang pag eskwela
Hahaaay, Inday, ayaw gyud tawn padala sa iyang pagkabutbot ug mga isturya.

Gwapo man siya o maabilidad pero palihug, Inday, ayaw gyud bilangkad
Ampingi gyud ang imong integridad, ang bandera ayaw gyud iladlad.
Maikog ka sa imong pamilya, ikaw giatiman ug gitarung amuma
Kanang lakiha, walay kasiguruhan nga kana gyud siya ang imong maminyuan.

Kanang mga BURAK nimong mga amiga, nangamong lang na sila sa ilang kagaga
Muingon sila nga sila "liberada", pero angay nga kahibaw ka kay ikaw mas edukada
AYAW, Inday, kuyog sa lalaki sa ngitngit, kay sa iyang atubangan ikaw masangit
Imong kaugmaon maoy pag antus kung kalit ka lang, Inday, mamabdus.

Asa man nimo pangitaon kanang lakiha, kay kung mabuntis ka, mawala na ang iyang gugma
Maski aso, wa kay makaplagan, kung imo siyang makit-an kusog kaayo siya mudagan.
Ug Inday, ikaw dapat masayod nga dili ka mulambo anang kiyud-kiyod
Unaha ang Utok Bag-o Oten (UBO) para di ka ma anay nga naay baktin

Pinangga nga Inday ayaw kahibulong nganong ikaw karon akong gibadlong
Ang kinabuhi usa ka gasa, ayaw intawn ni ug abusuha.
Respeto na lang sa kaugalingon silbi ang imong piriming atimanon
Pasagdii ang lalaki nga magsige ug burit, siguradoha ra gyud nga ikaw mu gradwit.

Kanang muabot na ka sa saktong panahon, maski baboy ug kanding pwede na nimong uyabon
Apan karon Inday ayaw gyud na ihatag, kanang imong lawas ug ang imong kalag
Sa lalaking nagpasalig sa iyang gugma, pangplete panguli sakto ra gyud ang iyang kwarta.
Ipakita sa tanan nag ikaw makatarungan, ug dili ka kabayo sa imong uyab nga tang-an.
Ang pagbuhi kanimo agas dugo singot ug kung pwede lang ibaligya apil panuhot

Ikaw man pud Dodong imong hunahunaon ang pagbuhi sa anak dili dali buhaton
Dili pasakitan, dili papaakan ug lamok, apan sa imong biga, igo ra ka mubukbok!
Kung naa kay kaikog sa imong inahan, kanang mga babaye dili nimo duwaan
Kini silang tanan pareha nimong tawo nanginahanglan pud sila sa imong pag respeto.

Dili tanang buhat mulipay sa imong oten, importanteng pamatasan, makat-unan sa kindergarten
Ayaw pud ko ug ingna nga baboy imong pamilya, bastos ug kulisaw, mahadlok pa ang satanista
Ikaw, Dodong, lihok tiwasa ang pag eskwela unya na na ang biga intawn huna-hunaa
Kanang imong uyab naningkamot nga mamaayo, ayaw himoag iro, ayaw siya ikabayo!

Kung tinuod imong gugma sa usa ka babaye, ampingi siya ug tarung ug ayaw pakaulawi
Dili sya burikat nga imo lang pabuthan, sa imong pagkababoy ug pagkaulagan!
Mga Inday, Dodong, pagpaminaw mog maayo, kining akong gisulti dili kataw-anan sa radyo
Respetohi na lang ang inyong kaugalingon, kay dako kaayo mo sa sosyodad ug tulubagon!

No comments: